I pandalshmi

Fitorja e madhe në ndeshjen e parë në Gelsenkirchen për Real Madridin nuk kishte vënë dilemë për të arritur në çerekfinale. 

Sidoqoftë, ekipi i Carlo Ancelottit me plotë seriozitet, ashtu siç i ka hije një ekipi madhor ka dalë në fushë dhe ka treguar më të mirën për të shënuar edhe një fitore ndaj gjermanëve edhe ashtu të pashpresë. 

Ylli portugez dhe Topi i Artë i vitit të kaluar, Cristiano Ronaldo, ka shënuar edhe dy herë në portën e Schalkes për fitoren 3-1 të los blancosve që në përgjithësi nga dy ndeshjet çoi rezultatin në 9-2! 

Gareth Bale u dallua me dy asistime, derisa i talentuari Jese Rodriguez që ia nisi ndeshjes në formacionin bazë u desht të zëvendësohej nga uellsiani që në minutën e tetë të takimit pas lëndimit. 

Real Madrid bashkë me Chelsean i bashkohen Barcelonës, Atletico Madridit, Bayern Munchenit dhe Paris St Germainit në çerekfinale, derisa presin që nesër të mësojnë edhe dy skuadrat tjera para shortit të së premtes.