‘Poker’ londinez për gjysmëfinale

Në garën e vetme e cila ia mundëson shpëtimin e sezonit, Arsenali ka zhvilluar paraqitje fantastike ndaj CSKA Moskës, duke shënuar fitore me rezultat 4-1 dhe duke iu afruar gjysmëfinales së Europa Ligës.

Londinezët shënuan 4 herë në pjesën e parë, ndërsa zhvilluan një pjesë të dytë më të qetë, për të udhëtuar kështu në Moskë me epërsi të konsiderueshme.

Në anën tjetër, golin e nderit për rusët e shënoi Golovin.

Startues për Arsenalin sonte ishin Shkodran Mustafi dhe Granit Xhaka, ndërsa ky i fundit e përfundoi ndeshjen i ndëshkuar me karton të verdhë.

Ndeshja e kthimit zhvillohet pas një javë në Moskë.