Liverpool fantastik, deklason Cityn dhe bën hap drejt gjysmëfinaleve

Përkundër parashikimeve dhe faktin që City llogaritej favorit, Liverpooli ka zhvilluar një super paraqitje në ‘Anfield Road’ sonte, duke fituar 3-0 dhe duke bërë një hap të madh drejt gjysmëfinaleve të Ligës së Kampionëve.

‘The Reds’ zhvilluan një pjesë të parë fantastike në secilin aspekt, duke e neutralizuar totalisht Manchester Cityn dhe duke shënuar plot 3 herë, për të shkuar në pushim me epërsi të lartë dhe me vetëbesim tejet të madh.

SKEMA DREJT FINALES

Në pjesën e dytë, raste për shënim si në pjesën e parë nuk pamë, me Liverpoolin që qëndronte prapa, e City në anën tjetër kishte posedimin e topit, por pa raste për t’u përmendur për shënim, duke bërë kështu që ndeshja të mbyllet me rezultatin e pjesës së parë.

I vetmi shqetësim për Liverpoolin sonte është lëndimi i ‘njeriut të momentit’, egjiptianit Mo Salah, i cili u detyrua të largohet nga loja në fillim të pjesës së dytë.

Ndeshja kthyese mes këtyre dy skuadrave zhvillohet pas 6 ditëve në ‘Etihad Stadium’.