PRISHTINA 0-0 FERONIKELI
Foto: prishtinafc.com
Portierët shkëlqejnë në barazimin e ish-kampionëve
4 December, 2020 @15:01
Dy ish-kampionët e Kosovës Prishtina e Feronikeli kanë barazuar në përballjen e zhvilluar sot në Fadil Vokrri.
Prishtina dhe Feronikeli u ndanë baraz 0-0, derisa shkëlqyen portierët e skuadrave në këtë ndeshje, duke mbrojtur raste ideale në secilën anë, për t’ia siguruar skuadrave të tyre portë të paprekur.
— Arbon Flugaj (@Arbon23) December 4, 2020
Penalltia e hershme e fituar e Prishtinës, nuk u realizua nga lojtari me përvojë shqiptar i ardhur këtë stinor te kryeqytetasit, Sabien Lila. Goditja e Lilës (14) u mbrojt nga portieri i Feronikelit Ilir Avdyli.
— Arbon Flugaj (@Arbon23) December 4, 2020
Në pjesë të dytë rast ideal nga sulmuesi maqedon i Niklit. Marko Simonovski tenton, mbron Eglant Haxho i Prishtinës, ndërsa në topin e rikthyer, të shutuar nga Adem Maliqi, përsëri e mbron njëshi i portës bardhekaltër.
Deri në fund të ndeshjes, zëvendësimet nga të dyja skuadrat nuk sollën fryt dhe kështu përballja shkoi në përfundim me rezultatin më jo-popullor në futboll, 0-0.
Me këtë barazim, Prishtina kap 25 pikëshin në renditje tabelare, ndërsa Feronikeli pikën e 20 të stinorit. Skuadrat përkatëse, fitoren do të duhet ta kërkojnë në xhiron e radhës. Prishtina i shkon Gjilanit, ndërsa Feronikeli pret Besën.
