GRUPI H
Porto shkel BATE-n, Bilbao në heshtje
17 September, 2014 @22:54
Skuadra e cila e eliminoi kampionin e Shqipërisë, Skënderbeun, në kuadër të ndeshjeve kualifikuese për Ligën e Kampionëve, BATE Borisov, është turpëruar në ndeshjen e parë të fazës grupore nga gjiganti portugez, Porto.
Në ndeshjen në të cilën shkëlqeu mesfushori algjerian, Yacine Brahimi, u shënuan gjithësej gjashtë gola, të gjitha nga ana e Portos, ku tre prej tyre u shënuan nga vetë algjeriani. Adrian, Martinez dhe Aboubakar ishin realizatorët e tjerë në fitoren bindëse të vendasve.
S’ka gola në Bilbao
Përballja tjetër e grupit H, ajo ndërmjet Athletic Bilbaos dhe Shakhtarit, përfundoi me rezultat ashtu siç filloi.
Dy skuadrat që po synojnë ta kalojnë fazën grupore duke u kualifikuar më tej, u pajtuan që t’i ndajnë pikët në përballjen e parë mes tyre.
Tabela aktuale
| 1 | Porto | 3 pikë | ||
| 2 | Athletic Bilbao | 1 pikë | ||
| 3 | Shakhtar | 1 pikë | ||
| 4 | BATE Borisov | 0 pikë |
Ndeshjet e radhës
| 1 | Shakhtar - Porto | |||
| 2 | BATE - Athletic Bilbao |
