GRUPI H
Porto siguron, Shakhtar bindshëm
5 November, 2014 @22:26
Kampionja e fundit e Ligës së Kampionëve nga Portugalia, Porto, ka arritur që të sigurojë kualifikimin në fazën e ardhshme të Ligës së Kampionëve.
Djelmoshat e trajnerit Julen Lopetegui kanë mposhtur baskët e Athletic Bilbaos 0-2 për të pritur të qetë dy ndeshjet e mbetura të këtij grupi.
Jackson Martinez dhe Yacine Brahimi kanë qenë golashënues në fitoren e Portos, derisa kolumbiani Martinez më parë kishte dështuar të shënojë penalltinë në pjesë të parë.
Shakhtari shkatërrues
Athletic Bilbao është treguar katastrofal në Ligë të Kampionëve, pasi që deri më tash ka regjistruar vetëm një pikë dhe do të duhet të luftojë për një vend që dërgon në Europa League me BATE Borisovin, që sonte u mposht përsëri nga Shakhtar Donetsk.
Ekipi i Mircea Lucescu ka shënuar përsëri fitore të thellë ndaj bellorusëve, duke i mposhtur 5-0. Braziliani Luiz Adriano ka shënuar hat-trick në fitore, derisa serinë e golave për ukrainasit ia nisi kroati, Dario Srna.
Ndeshjet e radhës:
| BATE Borisov - Porto | |||
| Shakhtar Donetsk - Athletic Bilbao |
TABELA E GRUPIT H:
| 1 | Porto | 10 pikë | ||
| 2 | Shakhtar Donetsk | 8 pikë | ||
| 3 | BATE Borisov | 3 pikë | ||
| 4 | Athletic Bilbao | 1 pikë |
