Prandelli afër Galatasarayit

Si duket Luanëve nga Stambolli po i shkon mirë muhabeti me italianë. 

Pas largimit të Roberto Mancinit nga posti i trajnerit të klubit të Galatasarayit, turqit kanë kërkuar dhe kanë biseduar me shumë emra, para se në fund të jenë afër akordit me Cesare Prandellin. 

Besohet se negociatat me Prandellin kanë përparuar mjaft, pasi që Galatasary ka njoftuar bursën e Stambollit për këto bisedime, që rrit vlerën e klubit menjëherë. 

Galatasaray me Mancinin në krye përfundoi stinorin si nënkampion i Turqisë dhe ka siguruar Ligën e Kampionëve, derisa qe dy stinorë me radhë kanë kaluar fazën grupore të Ligës së Kampionëve, kur dy vite më parë përparuan deri në çerekfinale. 

Javë më parë Galatasaray bisedoi edhe me ish trajnerin e Manchester United, David Moyes, por këto negociata nuk dhanë rezultat dhe skocezi u largua nga Stambolli pa nënshkruar marrëveshje.