Vërshohet nga kërkesat

Skuadra e La Ligas, Levante, me shumë gjasa nuk do të mund t’i rezistojë ofertave të shumta që po vinë në adresë të klubit për portierin e saj. 

Keylor Navas, portieri nga Kosta Rika, që po shkëlqen në Kampionat Botëror - ka marrë oferta nga klube të ndryshme spanjolle dhe europiane derisa po qëndron në Brazil. 

E kryetari i Levantes, Quico Catalan, ka thënë se pa 10 milionë euro dëmshpërblim, Navas nuk ka gjasa të largohet nga klubi. 

Deri më tani vetëm Atletico Madrid ka bërë ofertë zyrtare te Levante, derisa klubet tjera janë në interesim e sipër për portierin kostarikan, që u bë i famshëm në “Brazil 2014” ku Kosta Rika ka arritur kualifikimin historik në çerekfinale të saj. 

Sipas Football Espana, Atletico Madrid ka ofruar 6 milionë euro dhe Leo Baptistaon për portierin Navas - që është refuzuar menjëherë nga Levante.