KHEDIRA
Pranohet oferta e Arsenalit për Khediran
16 July, 2014 @16:45
Sami Khedira iu është afruar edhe një hap Londrës. Mesfushorit gjerman të Real Madridit i ka mbetur vetëm të arrihet marrëveshje me Arsenalin për pagën e tij që të kompletohet transferimi i tij në Premier League.
Sipas të përditshmes spanjolle Marca, Real Madrid dhe Arsenal janë dakorduar që të paguhet 25 milionë euro për transferimin e Khediras.
Tani për kompletimin e transferimit ka mbetur vetëm të diskutohet ndërmjet Arsenalit dhe mesfushorit gjerman për pagën që do ta merr ky i fundit, ndërsa thuhet se paga e kërkuar nga ai është diku rreth 7 milionë euro.
