Prej kampionit te kampioni

Futbollisti i Ferronikelit, Bujar Shabani, ka arritur marrëveshje me kampionin e Shqipërisë, Skënderbeun. 

Kampioni i Shqipërisë nuk ka lëshuar rastin që të nënshkruajë me njërin ndër futbollistët më punëtorë të mesfushës së ekipit drenicak, duke e transferuar në radhët e veta, me të përfunduar stinori. 

Shabani 25 vjeç ka fituar kurorën e dyfishtë me Ferronikelin në Superligën e Kosovës këtë stinor, duke e arritur suksesin historik me ekipin. 

Ai ka nënshkruar kontratë dy vjeçare me ekipin e Skënderbeut, derisa do t’i bashkohet stërvitjeve që po i bën kampioni shqiptar në Austri.