Prekazi kthehet në Galatasaray

Njëri ndër legjendat e gjigandit turk, Galatasaray, Xhevat Prekazi, pritet të kthehet në ekip këto ditë. 

Sipas informatave që transmeton NTV Spor, Prekazi do të merr detyrën e skautit në ekip, që do të gjuajë talentë nga e mbarë bota për ekipin turk. 

Prekazi pritet të arrijë nesër në Stamboll për të negociuar përfundimisht me ish klubin e tij ku ka luajtur prej stinorit 1985/86 deri në stinorin 1991/92. 

Prekazi 56 vjeçar, që ka lindur në Mitrovicë, ka luajtur për juniorët e Trepçës së Mitrovicës derisa ka dalë shpejtë në Partizan të Beogradit ku ka luajtur afro dhjetë vjet para se transferohej te Hajduku i Splitit prej nga bën hapin më të madh në karrierë - kalimin në Galatasaray. 

Përveç Prekazit, Galatasaray ka ftuar edhe ish mbrojtësin çek të klubit, Tomas Ujfalusi, për të punuar si ndihmës i Roberto Mancinit, që ka marrë udhëheqjen e klubit nga Fatih Terim. 

Galatasaray do të ketë punë të vështirë në pranverë pasi që në të tetën e finales së Ligës së Kampionëve, ndeshet me Chelsean.