Debutim me gol në derbi

Sulmuesi i ri argjentinas, Mauro Icardi, që bëri bujë me Sampdorian stinorin e kaluar dhe kaloi në Inter këtë stinor ka thënë se po e ëndërron derbin e madh të Milanos. 

“E ëndërroj natën e derbit të jetë sikurse derbi që e luajta me Sampdorinë stinorin e kaluar, ku shënova në debutimin tim,” ka thënë Icardi për Sky Sport Italian, transmetojnë mediat italiane sot. 

“Kemi punuar shumë gjatë tërë stinorit. Të jem i sinqertë, derisa kam qenë pjesë e Sampdorias, asnjëherë s’kemi punuar aq shumë sa po punohet këtu,” ka bërë një krahasim ndërmjet ekipeve të mëdha dhe tjera italiane argjentinasi para derbit. 

Inter dhe Milan luajnë derbin e parë të stinorit 2013/14 në Giuseppe Meazza të dielën me fillim në ora 20:45. 

Asnjëra nga ekipet milaneze nuk po kalon ditë të mira në Serie A këtë stinor. Inter me Walter Mazzarin në krye gjindet në vendin e pestë me 28 pikë, derisa Milan i Massimiliano Allegrit gjindet në pozitën e dhjetë me 19 pikë të tubuara nga 16 xhiro të zhvilluara deri sot. 

Me ndeshjen Inter-Milan, përfundon stinori vjeshtor i Serie A-së. Kampion i pjesës vjeshtore është kampioni aktual i Serie A-së, Juventus.