United - City, vetëm në finale

Manchester United dhe Manchester City do të mund të takohen në finale të Kupës së Ligës së Anglisë. Gjysmëfinalistët e Kupës së Ligës dhe përballjet ndërmjet tyre janë përcaktuar sonte nga shorti i tërhequr prej ish sulmuesit të Manchester United, Andy Cole dhe ish trajnerit të Sunderland, Peter Reid. 

Shorti vendosi që Manchester United, kampioni aktual i Anglisë të takohet me Sunderlandin, derisa rivali lokal i tyre që është në formë të mirë, Manchester City, me West Ham Unitedin. 

Manchester United eliminoi sonte Stoke Cityn, derisa Sunderland kishte befasuar Chelsean mbrëmë. E Manchester City kishte kaluar lehtë Leicester Cityn, para se West Ham sonte t’ia thellojë krizën Tottenhamit. 

Deri në çerekfinale, kaluesi i fazës është përcaktuar pas një ndeshjeje, derisa tash në gjysmëfinale luhen dy ndeshje, ku në të parën Sunderland pret Unitedin dhe City West Hamin.

LEAGUE CUP, Gjysmëfinalet: