Befasohen dhe humbin finalen

Gjysmëfinalja e dytë e Kupës Botërore të Klubeve solli befasinë. Kampioni latinoamerikan Atletico Mineiro nga Brazili u mposht nga marokenët e Raja Casablancas me rezultat 3-1 dhe dështuan që të dalin në finalen e pritur ndaj Bayernit. 

Kështu, ekipi maroken tash të shtunën do të luaj finalen e Kupës Botërore për klube ndaj Bayernit, derisa Atletico Mineiro do të kërkojë simbolikën e vendit të tretë në ndeshje me Guangzhou Evergranden. 

Raja Casablanca kaloi në epërsi 1-0, para se Ronaldinho të barazojë me gol maestral nga gjuajta e lirë në 1-1. Mirëpo, në pesë minutat e fundit, marokenët me një penallti dhe një gol në minutat shtesë nxorrën finalen e papritur. 

Finalja e kësaj gare luhet të shtunën mbrëma.