Sunderland eliminon Chelsean!

Chelsea i Jose Mourinhos ka pësuar një goditje të papritur sonte në kuadër të Kupës së Ligës angleze. Ekipi londinez është eliminuar nga kjo garë në çerekfinale pasi që pësoi 2-1 nga Sunderlandi modest në Stadium of Light. 

Chelsea kishte dalë në epërsi në fillim të pjesës së dytë të ndeshjes kur Lee Cattermole kishte shënuar autogol pas goditjes së Frank Lampardit dhe në momentet kur tashmë priste kualifikimin për gjysmëfinale ka qenë italiani Fabio Borini (88’) që ka shënuar gol për Sunderlandin për të barazuar rezultatin në 1-1 dhe për të çuar ndeshjen në vazhdime. 

E në fund të vazhdimeve për befasinë e madhe të Kupës së Ligës u përkujdes jugkoreani Sung Yong Ki i cili shënoi në minutën e 118-të të ndeshjes për të dërguar ekipin e Gustavo Poyetit në gjysmëfinale të kësaj gare. 

Për më tepër Poyet është treguar i zgjuar pasi që edhe Borini edhe Yong Ki janë futur në ndeshje në pjesë të dytë dhe pikërisht ata kanë qenë shënues në befasinë e natës. 

Sunderland është i fundit në renditje të Premier League, derisa Chelsea i treti. 

LEAGUE CUP, Çerekfinalet: