E vras veten

Bastisja e shtëpisë së tij sot nga hetuesit lidhur me skandalin e kurdisjes së ndeshjeve në Itali ka bërë që ish mesfushori karizmatik i Milanit, Gennaro Gattuso, të reagojë ashpër. 

“Nëse diçka do të mund të vërtetojnë ndaj meje, do të shkojë në shesh, e di se është fjalë e madhe, por do ta vraja veten. Çdokush që më njeh mua e di se asnjëherë nuk kam bastuar në jetën time, as në lojëra me letra, e çfarëdo tjetër,” ka thënë Gattuso i tejnevrikosur para mediave. 

“Jam i nervozuar dhe i ofenduar. Dua që gjithçka të pastrohet sa më shpejtë. Nuk jam lidhur me askë asnjëherë për asgjë,” ka thënë ndër të tjera ai. 

Gattuso bashkë me ish mesfushorin e Lazios, Christian Brocchi, kanë parë bastisjet e shtëpive të tyre sot, derisa Milan, Juventus dhe Inter po hetohen për kurdisje ndeshjesh të caktuar në tre vitet e fundit. 

Gattuso, tash 35 vjeç, la futbollin aktiv për t’ia nisur të ushtrojë zejen e trajnerit.