I PËRFOLURI SNEIJDER
Pret rrogat
16 January, 2013 @11:55
Interesimi i turqëve lidhur me transferin e Sneijderit nuk ka të ndalur. Ndërsa kanali turk NTV Spor pasi që ka thënë se ai është marrë vesh me Galatasarayin, e lojtari ende nuk ka nënshkruar, tashmë si obligim e ndjen përcjelljen e yllit holandez prej së afërmi.
Kështu i dërguari i tyre në Milano ka raportuar se aktualisht mosnënshkrimi i Sneijderit me Galatasarayin ende ndodhë për shkak se ai nuk po arrin ujdi me Interin për dy rrogat e para të këtij stinori. E pa i marrë paratë nuk do të nënshkruajë.
Sipas këtij kanali ish mesfushori i Real Madridit, Sneijder, ka në tavolinë shtatë oferta, mirëpo asnjëra prej tyre nuk është më e lartë se e gjigandit turk, Galatasaray.
Në ndërkohë klubi turk ka raportuar se këtë të premte do të dihet përfundimisht, a vjen apo nuk vjen Sneijder.