Prezantohet si trajner në Serie A

Andriy Shevchenko, legjendë e skuadrës së Milanit dhe e reprezentacionit të Ukrainës, pas aventurës së tij me kombëtaren e vendit tashmë është zyrtarizuar dhe sot edhe prezantuar si trajner i ri i Genoas në Serie A.

Genoa do të jetë aventura e parë ekipore e Shevchenkos, që deri tash ka qenë për pesë vjet duke punuar me kombëtaren e Ukrainës, duke nisur si ndihmës në vitin 2016 dhe për tu zyrtarizuar si kryetrajner që prej vitit të ardhshëm e deri dje!

Skuadra italiane ka shkarkuar nga detyra trajnerin e deritashëm Davide Ballardini për shkak të rezultateve jo të mira këtë stinor dhe sot ka pritur Shevën në qytet, në ditën e parë si trajner i ekipit rossoblu. Kontrata e tij është e vlefshme deri më qershor të vitit 2024.

Pas dymbëdhjetë xhirove të zhvilluara në Serie A Genoa është e 17-ta në renditje me një fitore të vetme, gjashtë barazime e pesë disfata, me në total nëntë pikë. Tre më shumë sesa pozita e fundit, 20, Cagliari.

Aventura e Shevchenkos në bankën e xhenovezëve do të nis më 21 nëntor, kur Genoa pret Romën në Marassi.