Prezentohet Xavi

Xavi Hernandez, që përfundoi me krenari kaptinën te ekipi i tij i fëmijërisë, Barcelona, është prezentuar sot në Katar, te ekipi i Al Saddit. 

Xavi ka nënshkruar kontratë dy vjeçare me ekipin aziatik, derisa ajo mund të vazhdohet edhe për një stinor tjetër nëse palët dakordohen për një gjë të tillë. 

Legjenda katalonase do të përfitojë 10 milionë dollarë në vjet si lojtar i Al Saddit, derisa ka thënë se është krenar që po bëhet pjesë e një ekipi interesant, duke shpresuar se do të sjellë përvojën europiane për të fituar Kupa në këtë vend, transmeton Yahoo Sport sonte.