FERONIKELI - PRISHTINA
FOTO/ Arkiv
Prishtina ndalet në Drenas
2 May, 2018 @18:18
Pas 4 fitoreve radhazi të shënuara, Prishtina është ndalur në Drenas sot në përballje ndaj Feronikelit, në barazim pa gola, 0-0.
Të dyja ekipet edhe pse kërkuan golin, nuk e gjetën atë, derisa Basit Khalid i Prishtinës ishte më afër golit në ndeshje, kur priti mirë portieri Faton Maloku.
Në anën tjetër, Ahmed Kone i Feronikelit tentoi mirë, por goditja e tij drejt portës së bardhekaltërve u bllokua para se të shkojë drejt portës.
Prishtina pret Gjilanin xhiron që vjen, ndërsa Feronikeli luan ndaj Drenicës.
