PRISHTINA
Prishtina rinis stërvitjet
10 January, 2016 @18:54
Nesër në ora 13:00 do të mbahet seanca e parë stërvitore e futbollistëve të Prishtinës, në kuadër të fazës përgatitore për pjesën pranverore të kampionatit.
“Nesër, e hënë, nga ora 13:00, do të filloj faza përgatitore e dimrit. Skuadra ka qenë në pushim më pak se një muaj, ku nga kjo periudhë, në pjesën më të madhe të kohës, futbollistët kanë stërvitur individualisht sipas plan-programit të dhënë nga shtabi teknik në krye me shefin, Sami Sermaxhaj,” thuhet në komunikatën e lëshuar nga faqja zyrtare e klubit në Facebook.
Përveç kësaj, është thënë se në ekip akoma nuk ka ndryshime, derisa të gjithë futbollistët e tanishëm janë të blinduar me kontrata të rregullta.
Prishtina pjesën vjeshtore të kampionatit e përfundoi në pozitën e dhjetë me vetëm 4 fitore të arritura në gjithsej 17 ndeshje.
