Prishtina s’do të ketë transmetim!

Skuadra e Prishtinës që do të zhvillojë ndeshjen e kthimit kualifikuese për Europa Ligë ndaj Norrkopingut suedez, si duket do të mbetet pa transmetim televiziv.

Së paku, kështu ka bërë të ditur faqja zyrtare e klubit bardhekaltër, që është nënkampion aktual i vendit.

Kjo, pasi që deri tash ofertat kanë qenë të pakta dhe vlera e tyre është cilësuar si nënçmuese.

“Edhe kësaj here është shumë interesim i vogël dhe oferta nënçmuese për klubin. Prandaj sipas të gjitha gjasave nuk do të ketë transmetim televiziv dhe për këtë arsye i bëjmë ftesë të gjithë adhuruesve të vërtet të klubit të na përkrahin me prezencën e tyre në stadium,” - thuhet në njoftimin e Prishtinës të botuar sot.