BESA - PRISHTINA
Foto: FC Prishtina
Prishtina s’gabon, ruan kreun
11 March, 2018 @14:24
Në takimin e parë të ditës së sotme në Superligë, Prishtina ka shënuar fitore 1-3 ndaj skuadrës së Besës në Pejë.
Epërsia e mysafirëve erdhi nga Gauthier Mankenda në minutën e 11’ të takimit, ndërsa vendasit befasuan shumë shpejt, me Florent Qorrajn që shënoi për 11 në minutën e 27’.
Më pas, iniciativa e kryeqytetasve vazhdoi dhe pas një loje me dorë në zonën vendase, gjyqtari akordoi për penallti për mysafirët, nga e cila i saktë u tregua Armend Dallku për 1-2.
Gjërat u bënë edhe më të lehta për prishtinasit kur Mullabeqiroviq i vendasve u përjashtua nga loja në fundin e pjesës së parë pas dy kartonëve të verdhë, duke e bërë pjesën e dytë të kalonte rrjedhshëm për Prishtinën.
Ndeshja përfundimisht u mbyll nga Ahmed Januzi, i cili shënoi për 1-3 në minutën e 81’, për ta vulosur kështu fitoren e mysafirëve.
Kjo fitore e mban në krye të tabelës Prishtinën, ndërsa Besa mbetet në zonën e rrezikshme.
