Quaresma çon Portugalinë në çerekfinale

Portugalia ka arritur të kualifikohet në çerekfinale të Kampionatit Europian duke e mposhtur Kroacinë me rezultat 1-0 pas vazhdimeve.

Ndeshja e cila ishte në fakt e plogësht dhe me pak raste shënimi, ku dominimi i lehtë ishte në anën e Kroacisë, nuk dha shumë atraktivitet për shikuesit.

Gjatë pjesës së rregullt të ndeshjes madje nuk kishte asnjë goditje drejt portës nga të dyja palët.

Por goli erdhi në vazhdimin e dytë, përkatësisht në minutën 117’ me anë të rezervistit Ricardo Quaresma, i cili shënoi me lehtësi pas goditjes së Ronaldos që u kthye nga portieri.

Vetëm një minutë para golit, Kroacia ishte shumë afër të shënojë por goditja e Ivan Perisic u ndal në shtyllë.

EURO 2016 SKEMA

Kjo ishte fitorja e parë e Portugalisë në Europian dhe njëkohësisht edhe humbja e parë Kroacisë në këtë Europian.