Ramiz Sadiku vazhdon serinë e pamposhtshmërisë

Kësaj radhe ekipi i Ramiz Sadikut i ka bërë ballë Flamurtarit në derbin lokal të kryeqendrës së Kosovës, për të vazhduar serinë e pamposhtshmërisë në Ligë të Parë B.

Ramiz Sadiku pas humbjes në start të pjesës së dytë të stinorit nga Ulpiana, në asnjë ndeshje tjetër s’është mposhtur dhe tashmë ekipi ka 5 ndeshje që fiton e barazon.

TABELA AKTUALE

Si vendas sot ata ndalën ekipin që po lufton për Superligë, Flamurtarin në 0-0, në një ndeshje të qetë, ku herë-herë rrezikohej porta — por asnjëherë për t’u tundur.

Derisa për Flamurtarin pikët e humbura sot e lënë 3 pikë larg lideres, Ulpiana, Ramiz Sadiku është pozicionuar në mes të tabelës me serinë e pamposhtshmërisë.