Ranocchia mungon në derbi

Dy skuadrat nga qyteti i Milanos, Inter dhe Milan, pas ndeshjeve në garat europiane, i kanë kthyer sytë kah njëri tjetri për derbin e javës në Serie A.

Qendërmbrojtësi i Interit, Andrea Ranocchia, nuk do të luajë në këtë ndeshje. Futbollisti 25 vjeçar i ka lënduar ligamentet e gjurit të djathtë dhe do të jetë për një kohë larg fushave të blerta.

Në ndeshjen kundër Milanit, trajneri i Interit Andrea Stramaccioni përveç Ranocchias, nuk do ta ketë në dispozicion as Matias Silvestren, Diego Militon dhe Joel Obin.

Takimi Inter - Milan luhet të dielën dhe fillon nga ora 20:45.