Rastet e pashfrytëzuara, derbi baraz

Përkundër insistimit, Trepça’89 e Fahredin Durakut, nuk ka arritur të shënojë fitore ndaj Besës së Pejës sot dhe nuk ka arritur të shfrytëzojë rastin që me fitore të merr lidershipin e Superligës nga Ferronikeli. 

Në fakt, pejanët ishin të parët që dolën në epërsi, përkundër se mitrovicasit dominonin në fillim. 

Ka qenë sulmuesi prizrenas, Fatih Karahoda, që shënoi për t’ia dhënë epërsinë Besës dhe atë vetëm një minutë pa përfunduar pjesa e parë e ndeshjes. 

Mirëpo, mitrovicasit kishin marrë infuzionin e duhur në pushim. Me të filluar ndeshja, golashënuesi më i mirë i stinorit të kaluar, Blerand Kurtishaj ka shënuar për të barazuar rezultatin. 

Përkundër se më vonë ekipi i Durakut insistoi shumë për gol, ata nuk arritën të prekin portën e Flamur Nezirit të Besës assesi. 

E në anën tjetër, Arbnor Morina i Besës, tentoi që të bënte më shumë me lojtarë të shpejtë, pasi që largoi sulmuesit kryesorë, Fatih Karahoda e Kreshnik Rexha, por më kot. 

Derbi mbeti pa fitues, e Ferronikeli do të mbajë këtë xhiro lidershipin e fituar dje. 

REZULTATET, TABELA AKTUALE