Reali dominon në ekipin e javës

Fitorja e thellë e Real Madridit ndaj Schalkes i ka dhënë shkëlqim futbollistëve madrilenë.

Sipas faqes WhoScored, gjashtë futbollistë të këtij ekipi kanë zënë vend në ekipin e javës në Ligën e Kampionëve.

Kështu, ekipi i javës do të përbëhej nga portieri i Olympiakosit, Roberto, në mbrojtje Carvajall dhe Ramos nga Real Madrid, Chedjou dhe Telles nga Galatasaray, në mesfushë Bale, Di Maria dhe Ronaldo nga Real Madrid dhe Mkhitaryan nga Borussia Dortmund, si dhe në sulm Lewandoski i Dortmundit dhe Benzema i Real Madridit.

Kjo njëmbëdhjetëshe është përcaktuar në bazë të performancës së futbollistëve në ndeshjet e kësaj jave, ndërsa notat më të larta i kanë marrë Cristiano Ronaldo dhe Karim Benzema, të cilët shënuan nga dy gola kundër Schalkes.