Reali në çerekfinale!*

Ndeshja kthyese ndërmjet Real Madridit dhe Schalkes që do të luhet në Santiago Bernabeu, do të jetë vetëm formalitet. Kjo pasi madrilenët e deklasuan ekipin gjerman duke e mposhtur me rezultat të thellë 1-6.

Karim Benzema, Gareth Bale dhe Cristiano Ronaldo me nga dy gola secili, luajtën rolin kryesor në fitoren bindëse të galaktikëve.

Ndërsa goli i vetëm i Schalkes u shënua nga holandezi, Klaas Jan Huntelaar, i cili realizoi në çastet e fundit të ndeshjes.

Ky rezultat ka hyrë në ‘historinë e zezë’ të Schalkes, si humbja më e thellë si vendas në garat europiane në histori të klubit.