Olympiacos zbut djajtë

Skuadra e Olypiacosit ka arritur të shënojë fitore të madhe sonte në kuadër të Ligës së Kampionëve në Athinë, duke e mposhtur Manchester Unitedin favorit, 2-0. 

Kanë qenë argjentinasi Alejandro Domingues dhe kostarikani Joel Campbell që kanë shënuar në këtë fitore të madhe të ekipit grek ndaj kampionit aktual të Anglisë. 

Vendasi i parë që fiton

Djajt e kuq të Manchester Unitedit janë bërë engjuj sonte në Athinë, pasi që grekët kanë treguar forcën e tyre dhe seriozitetin në fushë duke shënuar dy herë - duke konkretizuar rastet për fitoren e tyre të madhe në të tetën e finales së Ligës së Kampionëve. 

Për më tepër, kjo është fitorja e parë deri më tani në të tetën e finales e arritur nga një ekip vendas - pasi që deri më tani të gjitha fitoret i shënuan mysafirët. 

Probleme për Moyesin

Humbja ka shtuar problemet e David Moyesit me Manchester Unitedin, derisa duhet të kalojnë një mal të madh në ndeshjen e kthimit pas tre javëve në Old Trafford për të arritur çerekfinalen e Ligës së Kampionëve.