MOURINHO
Nuk jemi favoritë!
25 February, 2014 @16:24
Trajneri kontravers i Chelseat, Jose Mourinho, ka organizuar një konferencë për shtyp para ndeshjes Galatasaray - Chelsea, që do të luhet nesër, në kuadër të 1/16 të finales së Ligës së Kampionëve.
“Unë jam i emocionuar para çdo ndeshjeje. Galatasaray është kampion i Turqisë. Do të jetë vështirë të përballemi me Drogban. Që të dy do të mundohemi ta bëjmë punën tonë,” tha Mourinho.
“Nuk jemi favorit në Ligën e Kampionëve” - Jose Mourinho
“Në Ligën e Kampionëve nuk jemi favorit, kjo është e qartë. Por nëse në këtë garë një skuadër arrin në çerekfinale, çdo gjë mund të jetë e mundur. Ka pasur raste kur kam qenë favorit dhe nuk e kam fituar kupën.”
“Do të jetë emocionuese ta shohim Drogban në fushë. Lojtarët si Didier dhe Sneijder, të cilët janë pjesë e karrierës, më duket e quditshme t’i shoh si kundërshtarë,” shtoi portugezi duke thurur lëvdata për ish lojtarët e tij.
Ndeshja Galatasaray-Chelsea do të luhet nesër (e mërkurë) nga ora 20:45 në Stamboll.
