LISTA

BOROZANI/D.S.

Haiti gati për Kosovën

25 February, 2014 @15:24

Derisa për të ditur listën e lojtarëve të përzgjedhësit të Kosovës, Albert Bunjaki, duhet pritur deri më 2 mars, në konferencën për shtyp të organizuar sot nga Federata e Futbollit të Kosovës, ajo e Haitit ka bërë të ditur lojtarët që do të paraqiten kundër Kosovës.

Nëpërmjet një letre të dërguar në FFK, drejtuesit e Haitit kanë bërë të ditur futbollistët që do të paraqiten kundër Kosovës më 5 mars në Mitrovicë.

Vendi frankofon i kontinentit amerikan kryesisht ka lojtarët që luajnë në vende ku flitet frëngjishtja derisa Jeff Louis që luan për Nancyn statistikisht duket të jetë më i rrezikshmi.

Louis ka shënuar 9 gola këtë stinor në Ligue 2 të Francës me ekipin e tij Nancy dhe është mesfushor ofanziv i ekipit, derisa ekipi i trajnerit Carlo Marcelin do të mbajë konferencën për shtyp para ndeshjes në ora 10:00 në hotelin Swiss Diamond (ku edhe do të akomodohet përfaqësuesja mysafire), më 5 mars, 5 orë para ndeshjes me Kosovën.

Lista e lojtarëve të Haitit:

Dominique (Frejus, FRA), Alcenat (Petrolul, RUM), Lafrance (Lodz, POL), Goreux (Sovetov, RUS), Pierre (Caen, FRA), Mechak (Kansas, SHBA), Guerrier (Kracovie, POL), Jaggy (Aarau, ZVI), Metellus (Ivry, FRA), Mustivar (Petrolul, RUM), Louis (Nancy, FRA), Vorbe (SUE), Maurice (Paris SG, FRA), Ambroise (Tubize, BEL), Belfort (Grenoble, FRA), Jams (Sable, FRA), Nazon (Roye, FRA). Trajner: Carlo Marcelin;