SEVILLA - REAL
Jovetic feston golin e fitores ndaj Real Madridit (Foto: Squawka)
Reali mposhtet, rekordi përfundon
15 January, 2017 @22:37
Më në fund është mposhtur Reali i Zidanet!
Pas 40 ndeshjeve radhazi pa humbje, rekord ky sa i përket skuadrave spanjolle, humbja për Realin erdhi nga skuadra e Sevillës sonte në kuadër të La Ligas.
Kampioni në fuqi i Evropës u mposht me rezultat 2-1 në takimin e luajtur në ‘Ramon Sanchez Pizjuan’, takim i cili ishte tejet intensiv, me skuadrën vendase që ushtroi presion gjatë tërë kohës dhe në fund u shpërblye me 3 pikë të plota.
Goli i epërsisë për madrilenët u shënua nga Cristiano Ronaldo nga pika e bardhë, pas penalltisë së fituar nga Dani Carvajal, ndërsa vendasit përmbysjen e arritën në 10 minutat e fundit të takimit. Barazimin vendasit e gjetën përmes një autogoli të Sergio Ramosit, i cili këtë radhë shënoi në portën e gabuar, ndërsa goli i fitores u shënua nga transferi më i ri, Stevan Jovetic, i cili shënoi për rezultatin përfundimtar 2-1.
Kjo humbje bën që distanca mes Realit e Barcelonës të ‘zbutet’, mirëpo madrilenët kanë 1 takim më pak të zhvilluar.
All Goals & highlights -Sevilla 2-1 Real Madrid… by 87taras
