Reali nuk besonte në mua!

Futbollisti më i përfolur në ditën e fundit të afatit kalimtar, Mesut Ozil, pas transferimit të tij te Arsenali, është intervistuar nga faqja zyrtare e Federatës së Futbollit të Gjermanisë.

Mesfushori gjerman, për të cilin u shpenzuan hiq më pak se 42.5 milionë funte, tha se nuk e ka pritur një largim nga Madridi.

“Në fundjavë isha i sigurt që do të mbetem në Real Madrid. Mirëpo më pas fillova ta vërejë mungesën e besimit nga ana e trajnerit dhe të drejtuesve,” tha 24 vjeçari.

Ozil po ashtu shprehu edhe optimizmin për të ardhmen e tij në Emirates.

“Kam pasur një bisedë të gjatë me Wengerin në telefon. Ai më tregoi planet e tij dhe besimin ndaj meje. Më tha se unë jam lojtar vërtet i duhur për të. Ai më dha siguri dhe besoj se nën drejtimin e tij do të zhvillohem edhe më shumë,” përfundoi Ozil.