Rekorderi përsëri në skenë

Kryesuesi në listën e golashënuesve më të mirë në histori të Ligës së Kampionëve, tani do ta ketë një emër tjetër.

Lionel Messi me golin e tij në ndeshjen kundër APOEL-it në minutën 38’, ka arritur të shënojë për herë të 72-të në Ligën e Kampionëve, duke e tejkaluar rekordin që e mbante deri më tani spanjolli Raul Gonzales (71).

Numër të njëjtë të golave sikur të Raulit ka edhe portugezi i Real Madridit, Cristiano Ronaldo, i cili do të mundohet ta zë Messin në ndeshjen e nesërme kundër Baselit.

Argjentinasi i Barcelonës ditë më parë e kishte thyer një tjetër rekord duke u bërë golashënuesi më i mirë në histori të La Ligas.