Renova, nuk shënon assesi

Skuadrës së Qatip Osmanit, Renovës, i mbetet një mal për të kaluar për të dalë në fazën e dytë kualifikuese të Europa League. 

Kjo pasi që ekipi i tij pranoi një gol nga ndërprerja në fillim të takimit dhe për 80 minutat e mbetura si vendas nuk arriti të tund asnjëherë portën e kundërshtarit molldav, as për të barazuar. 

E duke ditur rëndësinë e golit si mysafir në ndeshjet europiane si dhe mungesën e një golashënuesi cilësor te ekipi i Renovës, do të jetë tepër vështirë për ekipin nga Tetova që të arrijë fazën e dytë kualifikuese të Europa League.