DORTMUND
REUTERS/Ina Fasbennder
Reus me hat-trick
16 February, 2013 @20:50
Djelmoshat e Jurgen Kloppit kanë arritur që të shënojnë fitore në derbin e xhiros së XXII të Bundesligës duke e mposhtur Eintrachtin e Frankfurtit 3-0.
Njeriu i ndeshjes ka qenë Marco Reus. Reus ka shënuar shpejtë për epërsinë 2-0 në dhjetë minutat e para të takimit.
Më vonë sulmuesi Julian Schieber i Dortmundit u ndëshkua me kartonin e dytë të verdhë dhe i la bashkëlojtarët me një njeri më pak në fushë që nga minuta e 30 e takimit.
Por kjo gjë, nuk i ndihmoi aspak ekipit nga Frankfurti, të cilët nuk arritën të shfrytëzojnë këtë. Marco Reus shënoi edhe njëherë për 3-0, e më vonë edhe ata humbën një futbollist për të njejtën arsye. Japonezi Takashi Inui u ndëshkua me të kuqe në minutën e 74-të.
Dortmund tani ka 42 pikë, 15 më pak se Bayerni në krye, derisa Eintracht mbetet i katërti me 37 pikë.
REZULTATI:
| Borussia Dortmund - Eintracht Frankfurt 3-0 | (Reus 8, 9, 65) |
