Rexha i Prishtinës

Kastriot Rexha i cili gjatë stinorit vjeshtor mbrojti ngjyrat e Trepçës ‘89 ka nënshkruar kontratë gjashtë mujore me kampionen aktuale të Kosovës në futboll, Prishtinën. 

Rexha 25 vjeçar kështu do t’i ndihmojë Prishtinës gjatë stinorit pranveror për të mbrojtur titullin kampion, derisa ekipi i tij i ri është 10 pikë larg lideres Llamkos Kosova nga Vushtrria. 

Rexha është golashënuesi i dytë më i mirë i stinorit vjeshtor të Superligës, pas Astrit Fazliut që iku për në Shkëndi të Tetovës në këtë afat kalimtar. 

Me transferimin e Rexhës, ekipi i Prishtinës ka fituar një sulmues me mjaft përvojë, pasi që sulmuesi në fjalë ka bërë karrierë në disa ekipe kosovare deri më tani si dhe stinorin e kaluar ka qenë pjesë e Vllaznisë së Shkodrës në Kategorinë Superiore të Shqipërisë. 

Rexha është përforcimi i katërt i Prishtinës për këtë afat kalimtar pas: Shkëmbim Salihut (nga Ferizaji), Liridon Leci (Landskrona) dhe Akil Makolli (Hajvalia).