Ribery, mbetet pa Botëror

Lëndimet lanë Francën pa njërin ndër futbollistët më të mirë të saj, Franck Ribery. Ylli i Bayernit do të mungojë në Kampionat Botëror që nis javën tjetër, ndërsa përzgjedhësi Didier Deschamps ka bërë të ditur se përveç tij, edhe mesfushori i Lyonit, Clement Grenier do të mungojë gjithashtu për shkak të lëndimit. 

Në vend të dyshes në fjalë Deschamps ka ftuar Morgan Schneiderlin dhe Remy Cabella, të cilët do të provojnë të zëvendësojnë të lënduarit në Brazil. 

Franca është në një grup me Zvicrën, që ka në ekip 5 futbollistë me origjinë shqiptare, pastaj Hondurasin dhe Ekuadorin.