Rakitic, i Barcelonës

Mesfushori kroat që ka shkëlqyer në dy stinorët e fundit me Sevillan, Ivan Rakitic, thuhet se ka nënshkruar për Barcelonën. 

Duke iu referuar gjermanes Bild, Mundo Deportivo njofton se Ivan Rakitic ka arritur marrëveshje me Barcelonën, që e sheh atë si zëvendësim ideal për Cesc Fabregasin në largim! 

Bild siguron se Rakitic, kapiteni i Sevillës, ka nënshkruar për katalonasit kontratë 5 vjeçare, ku do të përfitojë 8 milionë euro për stinor. 

Barcelona do të paguajë 20 milionë euro për transferin e tij, derisa 26 vjeçari kroat pritet të takohet me bashkëlojtarët e tij të rinj (Daniel Alves e Neymar) në ndeshjen e parë të Botërorit ku Kroacia luan ndaj Brazilit. 

Rakitic ka ngritur trofeun e Europa League me Sevillan këtë stinor, duke e mposhtur në finale Benficën.