GJILAN
Rikthim senzacional i Dritës
13 May, 2015 @18:18
I tërë dominimi i vendasve në pjesë të parë ka shkuar huq sot, kur Istogu shënoi përmes një eurogoli të Fatlum Gashi në minutën e 20-të të pjesës së dytë të takimit.
Dhe, kur po mendohej se Drita tashmë nuk do të ketë mundësi këndelljeje dhe do të jetë njëra ndër ekipet e sigurta të Play-Outit, në skenë dolën sulmuesit e ekipit për tu rikthyer shpejtë dhe për t’ia sjellë fitoren ekipit.
Së pari sulmuesi me përvojë i gjilanasve, Ismet Ramushi shënoi nga penalltia për të barazuar rezultatin në 1-1, ndërsa dy minuta më vonë edhe Almedin Murati në formë të mirë, shënoi për t’ia sjellë ekipit të tij fitoren tepër të rëndësishme.
Istogu në minutat e fundit të takimit mbështeti Dritën për goli, por assesi nuk arriti të realizojë, për tu ndarë kokëulur nga stadiumi.
