EPOKA MODRIC
Rivalët e Kosovës, gati për duelin e tyre
31 August, 2016 @13:08
Dy skuadrat që Kosova i ka në grupin kualifikues për Kampionatin Botëror “Rusia 2018”, Kroacia dhe Turqia, duket të jenë gati për sfidën e tyre më 5 shtator.
Kroatët janë reformuar pas eliminimit në “Franca 2016” nga Portugalia, ndërsa kapiten i ri i reprezentacionit është mesfushori, ylli i Real Madridit, Luka Modric.
“Kemi parë se çka do të thotë publiku në europian dhe tani më kërkojmë që të na përkrahin edhe në rrugë për Botëror,” ka thënë kapiteni i ri i Kroacisë, Luka Modric, para ndeshjes ndaj Turqisë.
Kroacia dhe Turqia janë takuar edhe në “Franca 2016” ku kroatët kanë mposhtur turqit, 1-0. Kroacia është kundërshtarja e radhës për Kosovën në grupin kualifikues.
