Roma e fuqishme për Livornon

Roma ka shënuar fitoren e katërt në pesë ndeshjet e fundit në të gjitha garat sonte. Ekipi i Rudi Garcias ka mposhtur Livornon 3-0 me lojë komode, ku trajneri pushoi Francesco Tottin, Alessandro Florenzin dhe Radja Nainggolanin, duke i futur kah fundi i ndeshjes. 

Kanë qenë Mattia Destro, Kevin Strootman dhe Adem Ljajic që kanë shënuar në fitoren e radhës së Romës sot në Olimpico, derisa trajneri i ri i Livornos që iu kthye trajnerllëkut pas një dekade, Attilio Perotti debutoi në mënyrë jo të pëlqyeshme. 

Gjithashtu edhe portieri i Livornos Francesco Bardi, ditëlindjen do ta festojë i zhgënjyer pas pranimit të tre golave sot. 

Me këtë fitore Roma kalon në 47 pikë të Serie A, derisa është larg 5 pikë Juventusit lider që luan në këto orë. 

Rezultatet dhe tabela aktuale.