BOTËRORI I KLUBEVE
Ronaldinho, i treti
21 December, 2013 @21:00
Atletico Mineiro ku luan ish ylli i Barcelonës, Milanit dhe PSG-së, Ronaldinho, ka shënuar fitore ndaj Guangzhou Evergrandes kineze që udhëhiqet nga Marcelo Lippi, për të fituar vendin e tretë në Kampionatin Botëor të klubeve që po mbahet në Maroko këtë vit.
Brazilianët kanë dalë në epërsi me golin e Diego Tardellit (2’) heret, por kinezët kanë barazuar shpejtë me anë të Muriqui (9’), ndërsa edhe më shpejtë kanë dalë në epërsi me golin nga penalltia të Dario Concas (15’).
Pastaj në skenë ka dalë Ronaldinho (45’) për të barazuar rezultatin derisa në sekondat e fundit të takimit Luan (90+’) ka shënuar për fitoren e Atletico Mineiros që befasisht u mposht në gjysmëfinale nga Raja Casablanca.
Në ndërkohë Bayern Munchen është duke e luajtur finalen ndaj Casablancas.