ODISE ROSHI
Roshi shënon edhe në Kupë
26 October, 2016 @21:09
Odise Roshi po vazhdon të tregojë formë të mirë me skuadrën e tij, Terek Grozny.
Anësori ofansiv i kombëtares shqiptare ka shënuar gol sot në ndeshjen e Kupës së Rusisë, përballë skuadrës Ufa.
Roshi shënoi në minutën 53’ për rezultatin 1-1, gol ky i cili bëri që ndeshja të shkojë në vazhdime, e më pas edhe në ekzekutim të penalltive.
E penalltinë e parë në gol e shndërroi Bekim Balaj, mirëpo më pas dështimet e futbollistëve të tjerë të Terekut, bënë që Roshi e Balaj të eliminohen nga Kupa e Rusisë.
