S’e ngushtojmë Pepin

Derisa Pep Guardiola, ish trajner i Barcelonës, pret verën që të vijë në krye të Bayernit, drejtori sportiv i bavarezëve, Matthias Sammer ka dalë të jetë respektues ndaj Pepit. 

Sammer mendon se do të ishte jomirë që të fusin në një pozitë të tillë Guardiolën, ashtu që t’i tregojë taktikat e fshehta të katalonasve për ndeshjen e radhës së Ligës së Kampionëve, Bayern - Barcelona. 

“Respekt për Guardiolën. Ai e ka Barcelonën në zemër. Do të ishte problem për atë. Ne nuk do t’i japim atij probleme morale për të na treguar fshehtësitë e dashurisë së tij,” ka thënë ndër të tjera gjermani Sammer. 

Bayern Munchen dhe Barcelona do të takohen në mesjavën e ardhshme në kuadër të gjysmëfinales së Ligës së Kampionëve.