Së paku një pikë

Egil Olsen, trajner i përfaqësueses norvegjeze, është shprehur se skuadra që udhëheq ai udhëton për të mos humbur në Shqipëri, për ndeshjen e eliminatoreve për Kampionatin Botëror, Brazili 2014. 

Përveç që ka bërë disa ndryshime të vogla te lojtarët e grumbulluar për këtë ndeshje, ai gjithsesi bën llogaritë e veta ashtu që Norvegjia të hyjë në barazh (sigurojë vendin e dytë në Grup). 

“Lojtarët e mi do të jenë më në formë sesa në mars, kur humbëm nga Shqipëria. E dimë që do të jetë ndeshje e fortë fizike, por neve na duhet gjithsesi një pikë, nëse jo më shumë. Shqipëria është e dobësuar pa disa futbollist, të suspenduar nga kartonët,” ka treguar llogaritë e veta Olsen duke vazhduar, 

“Në anën tjetër ne do të kemi në dispozicion dy futbollistë më shumë, pasi që janë kthyer Daniel Bratten dhe Espen Ruud, të cilët nuk kanë qenë në ndeshjen e parë,” ka shtuar trajneri norvegjez. 

Olsen për këtë ndeshje ka ftuar edhe dy kosovarët që mbrojnë ngjyrat e kombëtares norvegjeze, Valon Berisha dhe Ardian Gashin. 

Norvegjia ka shtatë pikë nga pesë ndeshjet e para të zhvilluara në Grupin E, ku bën pjesë edhe Shqipëria dhe gjindet në pozitën e katërt të tabelës, pas Zvicrës, Shqipërisë dhe Islandës. 

FUTBOLLISTËT NORVEGJEZ TË MBLEDHUR NGA EGIL OLSEN PËR NDESHJE KUNDËR SHQIPËRISË: