Serbët kërkojnë leje nga FFK-ja për miqësore

Për ndeshjen ndërmjet skuadrës serbe nga Kosova, FK Graçanica dhe kampionit të Serbisë, Crvena Zvezda, që ishte paralajmëruar më parë nga mediat serbe si një ndeshje miqësore dhe humanitare që do të luhej në Kosovës, skuadra nikoqire, FK Graçanica, ka dërguar kërkesë në FFK.

Këtë kërkesë FFK e ka parë si efekt i rezultatit të pranimit të FFK-së në UEFA dhe FIFA, ndërsa pas mbledhjes së këshillit për çështje urgjente të FFK-së, është miratuar kërkesa e ekipit serb nga Kosova dhe është dhënë leja për zhvillimin e ndeshjes konform akteve normative të FFK-së.

Kjo nuk është hera e parë që një skuadër serbe vjen në Kosovë për të zhvilluar ndeshje miqësore, mirëpo është hera e parë që për zhvillimin e ndeshjes kërkohet leje nga FFK-ja.