UNAI EMERY
Mentalja e fitoi taktiken
19 May, 2016 @9:17
Unai Emery përsëri çoi Sevillën drejt triumfit në Europa Ligë, derisa ekipi andaluzian fitoi trofeun e pestë të kësaj gare brenda dekadës së fundit.
“Kjo është Sevilla ime. E fituam lojën duke besuar në fitore, jo duke taktizuar. Kjo është Sevilla që e kërkojmë. Ne nuk ndryshuam asgjë në lojën tonë për dallim nga pjesa e parë, vetëm besuam në fitore,” ka thënë trajneri i ekipit fitues pas ndeshjes, shkruan sot faqja zyrtare e klubit në fjalë.
Rikthimi dhe Liga e Kampionëve
Sevilla përkundër se ishte në disavantazh 1-0 në pjesë të parë ndaj Liverpoolit, fitoi 1-3 në fund për të bërë hat-trick të trofeve në tre vitet e fundit në Europa Ligë.
Skuadra andaluziane me këtë ka siguruar pjesëmarrjen në Ligë të Kampionëve stinorin që vjen.
