S’është i gatshëm

Topi i Artë i vitit 2013, Cristiano Ronaldo, nuk do të jetë në gjendje të paraqitet ndaj Celta Vigos këtë fundjavë, ka konfirmuar trajneri i madrilenëve, Carlo Ancelotti. 

Portugezi, i cili morri një lëndim në ndeshje ndaj Valladolidit, do të lë ekipin pa ndihmën e tij në këtë paraqitje. 

“Cristiano s’do të luaj për shkak se nuk është 100% i gatshëm për lojë,” i ka thënë Ancelotti reporterëve në Spanjë sot. 

“Gjithmonë kam thënë se nuk do ta rrezikojë Cristianon nëse ai nuk është 100% i gatshëm. Kështu që, ne do të luajmë pa atë.” 

Real Madrid është aktualisht në vendin e tretë të La Ligas dhe me gjasa teorike për të fituar titullin e kampionit.